ប្រែសម្រួល៖ ស្រីស្រស់
ប្រភពបានឲ្យដឹងថាមានបុរសជាអ្នកនេសាទម្នាក់ត្រូវបានត្រីឆ្លាមខាំបង្កឲ្យមានរបួសធ្ងន់លើកំភួនដៃស្តាំរបសគាត់ខណៈដែលគាត់កំពុងនេសាទត្រីនៅរដ្ឋ Florida កាលពីព្រឹកម្សិលមិញ។
ទីភ្នាក់ងារAction News Jax បានរាយការណ៍មកថា មានបុរសអាយុ ៤០ ឆ្នាំម្នាក់បានជាប់នៅលើទូកមួយនៅឯឆ្នេរ Fernandina ភាគខាងជើងនៃ Jacksonville គាត់បានចាប់ត្រីឆ្លាមមួយក្បាលនៅក្នុងពេលកំពុងស្ទូចត្រី ហើយត្រីឆ្លាមបានខាំកំភួនដៃស្តាំរបស់គាត់បណ្តាលឲ្យហូរឈាមយ៉ាងច្រើន។
អង្គភាពកងម៉ារីនរបស់ការិយាល័យតម្រួតខោនធី Nassau បានទទួលការហៅទូរសព្ទទៅកាន់វិទ្យុសង្គ្រោះបន្ទាន់របស់ខ្លួននៅម៉ោង ១១:១៥ ព្រឹកក្រោយពីបានទៅដល់ទូកអ្នកនេសាទ ពួកគេបានរកឃើញបុរសនោះជាប់នៅលើទូកនេសាទដោយ “មានហូរឈាមយ៉ាងច្រើននៅលើមុខរបួស” នេះបើយោងតាមវីដេអូហ្វេសប៊ុកដែលប៉ូលិសបានបង្ហោះលើបណ្តាញសង្គម។
លោកបានបន្តថា៖ “ជនរងគ្រោះត្រូវបានបញ្ជូនទៅកាន់មន្ទីរពេទ្យក្បែរនោះភ្លាមៗ។ បច្ចុប្បន្នគាត់ស្ថិតក្នុងស្ថានភាពធ្ងន់ធ្ងរ ប៉ុន្តែគេរំពឹងថានឹងជាសះស្បើយឡើងវិញ។
ខោនធី Nassau រដ្ឋផ្លរីដា ស្ថិតនៅចម្ងាយប្រហែល ១៥០ ម៉ាយភាគខាងជើងនៃខោនធី Volusia ដែលត្រូវបានគេចាត់ទុកថាជា “តំបន់ត្រីឆ្លាមវាយប្រហារមកលើមនុស្ស” ដែលរាប់ទៅឃើញថាមានចំនួនដល់ទៅ ១៧លើកនៅក្នុងឆ្នាំ ២០១១ នេះបើយោងតាមឯកសារកត់ត្រាអំពីការវាយប្រហាររបស់ត្រីឆ្លាមរបស់សារមន្ទីរប្រវត្តិសាស្ត្រធម្មជាតិរដ្ឋផ្លរីដា។
ប្រជាជននៅក្នុងរដ្ឋនេះបានរងនូវការវាយប្រហារចំនួន ១៦ លើកកាលពីឆ្នាំមុន ឬ ស្មើនឹង៤៤% នៃការវាយប្រហារសរុបនៅទូទាំងសហរដ្ឋអាមេរិក៕
